2023 йил 31 март куни “Ўзбекистон капитал бозорида энг яхши” йиллик танловининг ғолибларини тантанали тақдирлаш мароси бўлиб ўтди.

Ўзбекистон Республикаси қимматли қоғозлар бозори инфратузилма ташкилотлари, профессионал ҳамжамияти ва бошқа иштирокчиларининг фикр ва таклифлари асосида қуйидаги ташкилотлар 2022 йил якуни бўйича турли номинациялар бўйича танлов ғолиблари деб топилди:

• “Ўзбекистон Республикаси Товар – хом ашё биржаси”  – “Энг яхши корпоратив бошқаруви”;
• “Kapital Depozit” МЧЖ – “Ритейл-инвесторлар учун энг яхши инвестиция воситачиси”;
• “Osiyo Sarmoya Depo” МЧЖ – “Институционал инвесторлар учун энг яхши инвестиция воситачиси”;
• “Freedom Finance” МЧЖ – “Акция бозорида энг яхши инвестиция воситачиси”;
• “Premium Finance” МЧЖ – “M&A бозорида энг яхши инвестиция воситачиси”;
• “Ansher Capital” МЧЖ – “Инвестиция активларини энг яхши ишончли бошқарувчиси”;
• “Mosaic Financial” МЧЖ – “Энг яхши инвестиция маслаҳатчиси”;
• “Alkes Research” МЧЖ – “Энг яхши дебютант”;
• “Portfolio Investments” МЧЖ – “Соҳа ривожига муносиб ҳисса қўшгани учун”.
• “Grand Broker Trade” МЧЖ – “Соҳа ривожига муносиб ҳисса қўшгани учун”.

Шунингдек, молиявий саводхонликни оширишга муносиб ҳисса қўшгани учун иқтисодиёт фанлари докторлари, профессорлар Шохмансур Шохаъзамий ва Михаил Хамидуллин тақдирландилар.

Бундан ташқари, кўп йиллар давомида соҳа ривожига муносиб ҳисса қўшгани учун Жўраев Валерий Дадажонович, Смолин Александр Юрьевич, Барсукова Наталия Васильевна, Обидов Асқар Акбар ўғли ва Тожиева Замира Латиповна тақдирландилар.

Инвестиция институтлари миллий уюшмаси томонидан “InterContinental Tashkent” меҳмонхонасида ўтказилган мазкур маросимда совриндорлардан ташқари молия ташкилотлари, вазирлик ва бошқа идоралар раҳбарлари ва вакиллари иштирок этдилар.

Совриндорларни яна бир бор табриклаймиз, уларга ва Ўзбекистон молия бозорининг бошқа иштирокчиларига янги марралар ва горизонтларни забт этишга муваффақиятлар тилаймиз. Шунингдек, мамлакат иқтисодиётининг ўта муҳим соҳасида бебаҳо тарихий миссияни бажараётганликлари учун устоз ва мураббийларга самимий миннатдорлик билдирамиз.